बाजै बाजै री बधाई मैया तेरे अँगना |
बडो अनोखो लाल जायो स्याम रंग सब के मन भायो
बडो अनोखो लाल जायो स्याम रंग सब के मन भायो
ब्रजवासिन को हियो हुलसायो
उमगि उमगि सब चले नन्द घर बाँधे बँधना ||
बाजै...
नन्द भवन ऐसो सजवायो बैकुण्ठहु कूँ दियो लजायो
सब लोकन ते घनो सुहायो
टोल टोल गोपी उठ धाई गावै मँगना ||
नन्द भवन ऐसो सजवायो बैकुण्ठहु कूँ दियो लजायो
सब लोकन ते घनो सुहायो
टोल टोल गोपी उठ धाई गावै मँगना ||
बाजै...
ब्राह्मण अपने वेद पढ़त है नन्द बाबा जू दान करत हैं
पाग पिछोरा ग्वाल लेत है
गोपिन कूँ दियो लहँगा फरिया रतन जडित कंगना ||
ब्राह्मण अपने वेद पढ़त है नन्द बाबा जू दान करत हैं
पाग पिछोरा ग्वाल लेत है
गोपिन कूँ दियो लहँगा फरिया रतन जडित कंगना ||
बाजै.....
नाच नाच के प्रेम दिखायो नन्द भवन में धूम मचायो
देय आसीस सबन मन भायो
नाच नाच के प्रेम दिखायो नन्द भवन में धूम मचायो
देय आसीस सबन मन भायो
अरी यशोदा रानी तेरो जीवै ललना ||
बाजै....
बाजै बाजै री बधाई....
।।जन्माष्टमी की शुभेच्छा । ।
No comments:
Post a Comment